امجاد يا عرب يا عرب امجاد
الالف منكم بواحد جلعاد
هو جلعاد ولحد الف هيعد العداد
خسيس له قيمه في بلد عديمه
والاصيل لاجيء بين البلاد
رخصنا كتير يا ولاد
بعد ما كنا للعالم اسياد
صفقه جامدة وفرحنا بيها
بس الحقيقه قيمتنا فيها
صلاح الدين يا صلاح اسفين
دي عايزه راجل يكون متين
كتم يا قطز علي موضوع جلعاد
وما تجيبش سيره لمدام جهاد
جمال عبد الناصر كنت دايما للعروبه ناصر
دلوقتي تعرف.......كبيرنا قاصر
معاك يا انور تاريخ منور
يا خساره يا سادات الوقت فات
شبابها ضايع لعروبته بايع
دا شباب خليجي بيروح وييجي
ضارب gel وعيشته فل
وشباب في الشام عايش اوهام
هيحرر الجولان بعصايه وحصان
وشباب ع النيل مسقط بناطيل
وماركة ال........هي قطونيل
نقول كمان ؟؟قالوا كفايه يا مان
ضيعت التوهان وفكك م اللي كان
قلت قشطه يا مان واسف كمان
علي صوت الوكمان واسمع تموره الولهان
واحنا كمان هندعي الرحمن يرجعلنا شويه من كرامة زمان
موضوع: العرب بكام النهارده 
الأربعاء 26 أكتوبر - 3:30
