مـالـيـش فـي الـهــدّ

يا مصر لازم تعرفي إن السلفي مالوش في الهدّ

... السلفي منى عينه يشوفك أحلى البلاد في الغد
...
أهدّ إزاي ؟ يا خلق يا هوه ، ماليش في الهدّ !

وحتى الحدود ، الحاكم هوه اللي يملك يقيم الحد

أنكر بقلبي المنكر ، ولساني أنصح بيه ، والحاكم عليه باليد

أرفض ضريح يكون مسجد وماملكش قرار الهدّ

أهدّ إزاي وكل نصوصي بتؤمرني أكون باني

كتابي وسنتي وسلفي عثيمين وألباني

أهدّ إزاي ؟ هوه أنا مجنون ؟

دا أنا ديني عمار للكون

بيؤمرني أدبح الحيوان بسكين مسنون

قطع الشجرة ممنوع بدون حاجة

وليا ثواب في أي نفس محتاجة

ديني بيربط الطاعة بالقدرة

ويجلب التيسير مع الحاجة

لو لحظة قيام الساعة ف إيدى فسيلة ، أغرسها

وما تقولش ليه مادامت مش هتنفع حد

أهدّ إزاي وديني بيؤمرني أكون بنّا

وخلى محاسن الأخلاق شرط للجنة

ديني بيدّي على البسمة يا ناس حسنات

وتاخد حسنة عشان بس للخير بتتمني

هدّ دا إيه كفى الله الشر

أنا يا بلادى ماليش في الشر

وفي إيديا تطولي البر

ولا تتوهي في جزر ومد

بإذن الله أنا عندي يا مصر الحل

وبكرة معايا جميل تحفة مالوش حلّ

مافيهوش واحد بيتهان ولا مصري بيتذلّ

ماليش في الهدّ والتدمير

وبحلملك وحلمي كبير

وشايفك بكرة شيء تاني

أنا جاهز وناوي بجدّ

أنا السَّلفيُّ ذوْ النَّهْجِ السَّديدِ أخُطُّ الدربَ للفجرِ الجديدِ
سبيليْ واضحٌ ما فيه لَبْسٌ إلى العَلياءِ أسمُوْ في صُعودي
بمِنهاجِ النُّبوَّةِ صُغْتُ مَجدًا أَثيلاً كان في الأمسِ السعيِدِ