أنا الخرقانيه

]أنا..أنا الخرقانيه
عواف عليكوا.. تسمحولى أقول حكايتى..واحكيها

الله يراضيكوا


أسمعوا منى الحقايق اللي ليكووا]عارفينى
مين ........... أنا اللي أسمى لازم
تذكروه في أساميكوا
أنا الحضن
الكبير لما تضيق الدنيا بيكوا


أنا شيفاكم
ابتديتو تعرفونى ..أيوه هيه


ترجع
اصولى للجدود الفرعونيه


لانى
عندى من الفلاحه طين وميه


وعلى
يمينى جسر عالى ..حاش فيضان النيل عليه


وعلى
شمالى طريق عمومى..لو تقفلوه تموت هناك المنوفيه


عرفتوا مين؟؟...دأنا من سنين وانا عشت أم للعزب
وللجزيره ولاخمين


ولما
يجوا يمدحوا... غابوا عنى المادحين


ونسيوا
اى جميل عليهم ..طب ليه ما نسيوش الرضيه


قالوا
عليا فى المشاكل.. مفتريه


وعندى
حبه من العيال ..العفيجيه


ما
دول ولادى .ودول ولادى


طب ليه
بتنسوا المشايخ فى الكلام..وكلامكوا بقى ع البلطجيه


مانا
عندى بردوا مدرسين ومهندسين..عندى دكاتره وناس كتيره طيبين


عندى
أساتذه فى الاقتصاد وفى المحاسبه .وفى العلوم الاخلاقيه


كانت
مدارسى بيضربوا بيها المثل..حتى أسئلوا فى الاداره التعليميه


وعندى
مركز للشباب ..كان هياخد كاس محافظ القليوبيه


ومستشفى
الحميات ..لو جالى برد أو شويه سخونيه


روحوا
أسئلوا ولاد البرادعه مين نقذهم ..لما شربوا من المجارى المصرفيه


أنا..انا
اللى اسمى بيتذكر جوا المجالس من سنين


ومن سنين
وانا واقفه وحدى ضد طمع الطماعين


اللى
ربتهم زمان.. دلوقتى بقوا بيتاجروا فيه


وانا
اللى راحت هيبتى وسط الجيران


وجيرانى
دول كانو لسه نونو لما كان عندى بيه صاحب وسيه


كانوا
يتمنوا يزرونى أو ازورهم ..... فى قاعده
حق وديه


ويقولوها للجميع ..شوفو حكم ...............الخرقانيه


عرفتونى
ولا لسه عن قلوبكم مداريه


أيوه
باقولها بصراحه ....دى حقيقه مش بجاحه


لو تنسونى
ابقى مين ..فأنا الام التقيه


بلافخر
أو تباهى فأنا ...أنا الخرقانيه


لو شاورت
يبقى أمر..لو أمرت ينفذوا من غير مجادله كلاميه


ودلوقتى
حالى ايه..حالى بقى صعبان عليا


أبنى
رايح للضياع..عندى فى كل بيت سلاح


مش سكينه
ولا مطوه ..لآأكيد بندقيه


لو خناقه
فى الحضانه


أكيد
هتسمع ضرب نار بعد الحصه الاخرانيه


أبنى
بايع للسلاح ومخدرات ..والحبوب الهيرونيه


أنا مش
عارفه اعمل ايه..أبعت أجيب الباشويش ولا اتصعب عليه


لو صحيتوا
للشغل بدرى يقولى ليه...اروح اجيب عشرين
جنيه


طب ما
فى ليل السكرانين بتيجى المصلحه أم ميه


مأحنا
يامه عشان نعيش لازم نبقي حراميه


من نظام
عقيم وبائس أبنى هيبقوا الضحيه


ليه بناتى
نسيوا لبس الجلابيه.


.وبقوا
لابسين بناطيل و…cut


والطرحه بقت طاقيه


وأدى
حالى اللى أنا بقيت عليه ..وأنا مش عارفه اللى جاى هيبقى ايه


حتى من
بعد يناير عملوا رابطه قالوا تبقى إصلاحيه


رفعوا
أكوام الزباله .. الورقيه


بس رجعوا
للاطماع الجوانيه


كل واحد
يبقى قائد ..هو فالزباله فيه مناصب قياديه؟؟؟


بعد كده
كل حزب خد له جانب ..وبدأت حركه من المنافسه الايجابيه


لجنه
الزكاه بجهودها ...والكوادر الاخوانيه


والاحسان
مثل عظيم .من جماعه أو جمعيه


فيها
همه من المشايخ والعزيمه النجاريه


وفى كمان عامر جروب ومؤسسته الخيريه


هى
منحه للغلابه ......او إعانه او عطيه


ومجله
صوت الشباب..من غير أسف المأذونيه


صوت
جرى لكل شاب ..عايز يعمل مليونيه


كل دى
حاجات جميله ..بس بلاش كلام كتير
عايزه حركه اصلا حيه
دانا لسه بيحكم
مجالسى ..ناس من الطبقه الدانيه


أزاى
ارباب السجون يبقوا حكام القضيه


يعنى
ما فيش حد ينفع..والرجوله منتهيه
لو على كتر الفلوس
يبقى شوفوا سعرى كام . بالدهب هتقيمونى ولا انا راحت عليا

والكلام مالوش نهايه ..ودى مش كل الحكايه
فى
مره تانيه ابقى اكمل..عايزه اشوف اللى ورايا


والامانه
عندكوا هو السلام ..تبعتوه لكل واحد كان بيترحم عليا


وانا
صاحيه مش هنام

مين هيصحي لو تنام الخرقانيه
4

شعر /عاطــــــف أبو سلامه
قصيده فى وصف الخرقانيه
وهى إهدائى لهذا المنتدى والذين ساهموا فى أنشاءه

بدأت فى كتابه هذه القصيده 23/8/2011وانتهيت منها فى 27/8/2011
وجائت القصيده فى وصف الخرقانيه من وجهه نظرى
فتشير الى جميع السلبيات الموجوده فى الخرقانيه
وهى الثانيه فى كتاباتى الشعريه للخرقانيه
بعد قصيده الخرقانيه تتألم
وهى تتزامن مع صدور العدد الخامس لمجله صوت الشباب
فهى إحتفاليه ثقافيه عظيمه أعلن فيها عدم أشتراكى فى مجله صوت الشباب ثانيه
فمن اليوم انا دون ضمن فريق العمل للمجله
وأدعوا التوفيق لزملائى
وشكرا
عـــــــــــا طــــف أبو سلامه

ممتاز يا عاطف . شعر ممتاز . كنت مخبى فين المواهب دى من زمان .نصيحة كمل وثقل موهبتك .بس ما تنسحبشى من العمل العام انت انسان موهوب وعندك فكر . وما ينفعشى تنسحب وتسيب القضية لناس مش عايزة غير مصلحتهم بس.