حكايه فلسطينيه

حكايه...فلسطينيه
طفل صغير ماشى بيصرخ ...يندهه لامه يالا تعالى


أمه بتجرى خايفه تروح .وصوت النار
خافت عالي


أمه تقول ولدى فينك...ومهمهاش ضرب الاعداء


ماشيه وسط النار والدم ..مالام لضناها فداء


ضربت عينها في أخر الشارع..صوت
خافت بيقول فين أمى


قالت ولدى .شمسى وضلى ..فرحى وهمى


وألتفت أحضان الام ..والدمعه بقت على الاثنين


الهم بيفرج هم ..وهمومنا ما لهل حلين


طفل يبكى دموع من دم.. واحنا بكينا فى الستين
قالها يأمه انا شوفت الموت


شوفت أخواتى وشوفت اصحابى


شوفت رصاصه فو الواد محمود


عمى ياسين كان ماسكوا الظابط ..نازل ضرب وسب فظيع


ليه مكتوبه علينا الحرب..ليه يامه
وليه بنضيع


انا شوفت اللى محدش شافه ..شوفت الطوب فى ايدين عمار


ماشى ينادى سبيولى بلادى..مات عمى وخالى واولادى


ومفضلش غير حيط الدار


شافه الظابط قال للعسكر أجروا وراه روحو هاتوه عاقل كان او معتوه


جريوا وراه خمسه بسلاح..دا من الحاره ودا من الشارع ودا جري ورا منه وراح


عمار بيحدف بالطوب ..جت طوبه فى رجلين الظابط


جابو الكاميرا وصوروهالوا كتبوا فى كل صحف وجرايد


أن الشعب ده مش هيتوب


قامت صحف الدنيا الغادره..قالت لآ دا الطوبه كبيره


دا المفروض يحتلوا كمان ..جنين
ورام الله ووحيفا والبيره


عمار بردوا لسه هناك .....ومجلس الامن الافاق


قال دا نهايتوا دمار
وهلاك


فجأءه لاقيت يامه عمار..واقف وسط سيول من النار


واقف يصرخ بأستمرار..وبيضربوا فيه الكفار


أخدوا الجثه رموها فى النهر ...وراحو احتلوا كمان الدار


واحنا خلاص يامه بنموت...ليه مش مسموع لينا صوت


ولا احنا ملناش الحق


كل يومين بيموتوا الاف ..وغيرهم ماتوا على الاكتاف


أمتى قلوب الناس هترق


طفل صغير لسه بيصرخ ......لسه بيبكى


وخيفضل يبكى ليوم الحق


أنا شفت البت الاموره مريم...كانت واقفه بتلعب فى الشارع.........لعبتها
كوره وحصان


مريم طبعا طفله صغيره...ورده تفتح فى البستان


وفجأءه لون مريم أحمر ..وبقى يشبه لون الفستان


أيه حصل أيه أتارى الدبابه دا هيه..جايه تجري أل أيه علشانها


مريم واقفه هناك وبتصرخ..والدبابه عليها تقرب


ظبطوا المدفع..حطوا صاروخ..أبداء أضرب


ماتت مريم


ماتت مريم والشارع مليان
بالدم


مريم ماتت أيه قضيتها..عملت أيه أو أيه جنايتها


قالوا مكتوب على لعبتها....أن القدس فى يوم هتعود


يأمه خلاص مبأش فيه فايده...وحتفضل نارنا كده أيده...وشعوبنا فى صبر وصمود
طفل صغيرلسه بيصرخ ..مش هيبطل ولا هيمل
إلا لما القدس تعود



حكايه فلسطينيه
شعر عاطف أبو سلامه
كتبت فى 13/4/2002
فى أطوار الانتفاضه الفلسطينيه وقمت بألقائها فى أحدى المظاهرات السلميه فى جامعه عين شمس أن ذاك[/quote]