هد جدار... نقلا عن/ احمد المصري

اقتباس :

خش سفاره وهد جدار...واعمل فيها من الاحرار
زعق كسر خرب دمر...قول انك صححت مسار
عرفهم معنى الهمجيه...واحتل وزارة الداخليه
واللى يقولك اهدى شويه...قوله يا خاين للثوار
واتخانق مع احمد افندى...مين نزل علم الكفار
تفرق ايه مثلا عن غاندى...وجيفارا وعمر المختار
هستناك الجمعه الجايه...جمعة تثبيت المسمار
هنخرب فى بلدنا شويه...ونخسرها كام مليار
وسفارة الدوله اليهوديه ...هنخليها يادوب تذكار
وبعد ما كانوا بيعتذرولنا...علشان نهدى وننسى التار
دلوقتى احنا اللى هنتأسف...وهنجرى نقدم اعذار
ايه رأيك لو اشيل من علمك...صورة النسر واحط حمار
يا عينى على البلد حالها اتقلب....و الكلاب بقيت تعض فى الكبار
منقول